علي الصغير و أمه الرائعة

لسلام عليكم .. شلونج الأخت العزيزة اللي مانطلع من يزاهاا ❤️❤️❤️ 
​
بقولج تجربتي من بعد الاستشارة على طول طلعت السرير من غرفتي و حطيته بغرفه أخوه . 

أول ليلة كانت أصعب ليله بدايتها مثل ماتعودنا على روتين النوم و أضفنا عليه قصة . حطيته بفراشه و اهو صاحي تقريباً أخذ مثل ما قلتي ٤٥ دقيقه و نام أهو واقف . تقريبا قعد مرتين بالليل و أخذ بالمرة الأولى ٤ دقايق و لما ماشاف استجابة رد نام و نفس الشي صار بالمرة الثانية . و يومتها لأول مرة من سنتين نمت ١٠ ساعات متواصله 😁😁 (ماكنت أنام بفترة حملي و كان نومي مقطع ) . ثاني يوم رحت الدوام و أنا سعيدة و متمكيجه وشبعانه نوم و هذا الشي كان مستحيل يصير . الأيام اللي بعدها مرات ماقدر اتحكم فيه يكون نايم وقت الرضاعه و ماقدر اقعده نهائي بس الحمدلله يكمل نومته بدون ما يتفزز . مرات يقعد بالليل بس يرد ينام بدون لا اروح له . بس صار له ٤ ايام يقعد ساعه ٥.٣٠ و طبعا ما استجيب له و الحمدلله يرد ينام . و غفوات النهار الحمدلله تحسنت وايد صج مرات ما يكمل ساعه نوم بس قاعده احاول و الحمدلله خفت العسارة و الحنه و تنظمت رضاعته و وجباته . بس المشكلة الوحيده اني طريقته علشان يهدي نفسه و ينام  انه ينام على بطنه بطرف السرير و راسه بالحاجز 😂😂😂 و كل ما رديته رجع نفس الشي 

ألف شكر لج و جد أدعيلج ليل نهار و الله يوفقج و يجزاج الجنة يارب . 🌹🌹🌹🌹 
​